كه‌ش و هه‌وا    كوردى    عربي    24 / 09 / 2017 04:30 AM
وەزیری كشتوكاڵ و سەرچاوەكانی ئاو پێشوازی لە شاندێكی جووتیارانی پێنجوین كرد بڕیاردرا باجی سەر هەر كیلۆیەك تەماتەی هاوردە لە 250 دینارەوە بكرێت بە 350 دینار

بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی لە ژمارەیەك جووتیاری دەڤەری پێنجوێن كردن لە دیدارەكەدا كە دكتۆر خالس ئەحمەد بەڕێوەبەری گشتیی دیوان ئامادەی بوون، شاندی میوان وێڕای پێشكەشكردنی پیرۆزبایی بە بۆنەی جەژنی قوربانی پیرۆزەوە، باسیان لە ئاستی بەرهەمهێنانی سەوزەو میوە كرد لە ناوچەكە، هاوكات ئاماژەیان بە هەندێ كێشە كرد كە دێتە رێی بەرهەمهێنان، بە تایبەتیش هێنانی بەرهەمی تەماتە لە دەرەوەی سنوور كە بۆتە مایەی كێشە و كاردەكاتە سەر ئاستی فرۆشی ئەو بەرهەمە ناوخۆییە، لەم رووەوە وەزیری كشتوكاڵ و سەرچاوەكانی ئاو بڕیاری دا كە بڕی ئەو باجەی خراوەتە سەر تەماتەی هاوردە زیادبكرێت، واتا لە 250 دینار بۆ هەر كیلۆیەك تەماتە بكرێت بە 350 دینار ئەمەش تا كۆتایی ئەم مانگە واتا تاكو مانگی تشرینی یەكەم بەردەوام دەبێت، ئەم بڕیارەش لە سوودو قازانجی جووتیارانی كوردستاندا دەبێت تاكو لەم ماوەیەدا بتوانن بەرهەمەكانیان ساغ بكەنەوە، لەلای خۆیانەوە شاندی جووتیارانی پێنجوین سوپاسی وەزیریان كرد بۆ ئەم ئاوڕدانەوەیەو بەڵێنیان دا كە هەمیشە لە خزمەتكردنی كەرتی كشتوكاڵ و زیادكردن و چاككردنی كوالیتی بەروبوومی سەوزەو میوە بەردەوام بن، وەك بەشدارییەك بۆ هاندانی بەرهەمی خۆماڵی و زیاتر ئاوەدانكردنەوەی ژێرخانی كشتوكاڵ لە هەرێمی كوردستاندا.

نوسراوه‌ له‌ به‌روارى 07/09/2017       ئه‌م لاپه‌ڕه‌يه‌ ‌ 51 جار بينراوه‌

-  ئه‌م لاپه‌ڕه‌يه‌ چاپ بكه‌  

ئێمه‌ له‌ فه‌يسبووك
ئێمه‌ بدۆزه‌وه‌
بۆ په‌يوه‌ندى
به‌داله‌: 6512 229 066 / 6513 229 066 / 6514 229 066
به‌شى په‌یوه‌ندییه‌كان: 1294 414 0750
به‌شى راگه‌یاندن: 9625 446 0750
ئيمێڵى وه‌زاره‌ت : info@krg-moawr.org
لينكى پێويست
مافى پارێزراوه‌ بۆ وه‌زاره‌تى كشتوكاڵ و سه‌رچاوه‌كانى ئاو ----------------------- Designed by Engineer: Shapol Madhat