كه‌ش و هه‌وا    كوردى    عربي    24 / 02 / 2018 12:43 PM
وەزیری كشتوكاڵ پێشوازی لە ژمارەیەك جووتیاری بەرهەمهێنی پەتاتە كرد ئەم ساڵ 214 هەزار تەن پەتاتە لە ناوخۆی هەرێمی كوردستان بەرهەمهاتووە

بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی لە ژمارەیەك جووتیاری بەرهەمهێنی پەتاتە لە هەرێمی كوردستان كرد، لە دیدارەكەدا كە بەڕێوەبەری گشتیی باخداری و دارستان و پاوان ئامادەی بوو، سەرەتا وەزیری كشتوكاڵ دەستخۆشیی لە بەرهەمهێنەرانی پەتاتە كرد كە ساڵ بە ساڵ بەرهەماكانیان زیاددەبێت و لە رووی چەندایەتی و كوالیتییەوە پێشكەوتن بەخۆیەوە دەبینێت و دووپاتیشی كردەوە كە وەزارەت هەمیشە پاڵپشت و هاوكاریان بووەو بەپێی توانا یارمەتیداون، لەلای خۆشیانەوە وێڕای سوپاس و پێزانین بۆ وەزیری كشتوكاڵ چەندین داواكارییان هەبوو لەوانە دابینكردنی بنەتۆی پەتاتە لە كاتی خۆیدا، هەروەها بەردەوامبوونی ئەو سیاسەتەی كە وەزارەت پەیڕەوی دەكات تایبەت بە قەدەغەكردنی هاوردەی پەتاتە لە دەرەوە، لە وەرزەكانی بەرهەمهێنانی خۆماڵی تاكو جووتیاران بەرهەمەكانیان ساغ بكەنەوەو دوچاری زیان نەبن، عەبدولستار مەجید بەڵێنی پێدان كە داواكارییەكانیان لە جێی خۆیدایە و بە هەموو توانایەكیش پشتگیرییان دەكات و وەزارەتیش لەسەر هەمان پلان و بەرنامەی خۆی بەردەوام دەبێت، لەسەر ئەم داواكارییانەش لیژنە پێكهاتووە تاكو بەشێوەیەكی رێك و پێك جێبەجێ بكرێن، شایانی باسە لە هەردوو وەرزی بەهارو پاییزی ئەم ساڵ(2017) توانراوە( 214) هەزار تەن پەتاتە لە ناوخۆی هەرێمی كوردستان بەرهەم بهێنرێت.

نوسراوه‌ له‌ به‌روارى 13/12/2017       ئه‌م لاپه‌ڕه‌يه‌ ‌ 106 جار بينراوه‌

-  ئه‌م لاپه‌ڕه‌يه‌ چاپ بكه‌  

ئێمه‌ له‌ فه‌يسبووك
ئێمه‌ بدۆزه‌وه‌
بۆ په‌يوه‌ندى
به‌داله‌: 6512 229 066 / 6513 229 066 / 6514 229 066
به‌شى په‌یوه‌ندییه‌كان: 1294 414 0750
به‌شى راگه‌یاندن: 9625 446 0750
ئيمێڵى وه‌زاره‌ت : info@krg-moawr.org
لينكى پێويست
مافى پارێزراوه‌ بۆ وه‌زاره‌تى كشتوكاڵ و سه‌رچاوه‌كانى ئاو ----------------------- Designed by Engineer: Shapol Madhat